---

                    ¡Felices Fiestas a tod@s!

Arias lamenta que “Deputación e o concello de Burela esperasen ata agora para poñerse de acordo” no arranxo dunha vía afectada polas riadas

A delegada territorial destacou que “dende o primeiro momento” a Xunta plantexou a creación dun programa de coordinación “para, precisamente, evitar desaxustes e atrasos nas obras de reposición e na tramitación de axudas”

A delegada territorial da Xunta en Lugo, Raquel Arias, visitouo concello de Xove para comprobar, xunto co alcalde da localidade, Demetrio Salgueiro, a evolución das obras de restauración de estradas, pontes e cauces fluviais que se están efectuando nas zonas da Mariña lucense afectadas polas inundacións do pasado mes de xuño.

Durante a visita, Arias fixo referencia á situación da antiga N-642, na entrada a Burela por O Perdouro, cuxa reforma ten previsto asumir a Deputación de Lugo. Raquel Arias aclarou que esta vía é titularidade do Concello de Burela, e non da Xunta, polo que é o Concello burelés o responsable de efectuar os traballos de recuperación dos que o organismo provincial anunciou que se vai facer cargo.

Neste sentido, a delegada territorial lamentou que “a Deputación e o Concello agardasen ata agora para poñerse de acordo no arranxo desta vía”, que permanece cun dos seus carrís obstruído dende hai varios meses -cos conseguintes inconvenientes para todos os veciños e visitantes de Burela-, logo de que a tormenta Doris agravase en xuño as deficiencias que xa sufría a estrada.

Arias recordou que a Xunta “dende o primeiro momento” manifestou a disposición a establecer “un plan de coordinación entre administracións para, precisamente, axilizar as obras de reposición, coma esta de Burela, e tramitación de axudas para beneficio de todos os veciños da Mariña, evitando así desaxustes e atrasos nas obras de reposición e na tramitación das axudas”.

Arias afirmou que é “incomprensible” que o ente provincial culpe á Xunta dos retrasos na posta en marcha destas obras, “cando se negou sistemáticamente a colaborar co Executivo autonómico, aínda que lle expresamos de xeito reiterado a nosa vontade de colaborar e de traballar xuntos a favor dos veciños e visitantes da comarca para facilitarlles solucións rápidas ante a grave situación acontecida”.

Actuacións en Xove

No tocante ás obras que se están a desenvolver no municipio xovense, Arias e Salgueiro visitaron as obras que o Executivo autonómico está efectuando para recuperar a ponte do Camiño Real, na zona de Camba, e asegurou que se está a facer un “esforzo moi importante” para arranxar as infraestruturas danadas polas riadas. Así, o Goberno galego ten avanzados os traballos de recuperación en varios puntos clave do municipio, como o paseo fluvial na Ruta dos Muiños. Asemade, estase a traballar na reposición do firme da estrada que cruza a parroquia de Vilar e na recuperación da ponte da Aceveda, ademais de distintas reposicións na parroquia de A Rigueira.

A representante do Goberno galego reiterou “o compromiso total e a disposición da Xunta a colaborar cos veciños e os concellos da Mariña lucense nos traballos de restauración das infraestruturas danadas polas riadas”, nos que o Goberno galego inviste arredor de 5 millóns de euros.

A Royal Liverpool Philharmonic interpreta ópera por primeira vez en España na estrea en Galicia de ‘Parsifal’ de Wagner

O espectáculo exclusivo do ciclo Xacobeo Classics estará dirixido polo ruso Vasily Petrenko, gañador dun Brit Award ao mellor artista

A Royal Liverpool Philharmonic interpretará ópera por primeira vez en España o vindeiro martes 24 de agosto durante a estrea en Galicia de Parsifal, de Richard Wagner, nun proxecto en exclusiva do ciclo Xacobeo Classics. Na que será a súa primeira visita á comunidade, a orquestra máis antiga do Reino Unido estará dirixida por Vasily Petrenko, a persoa máis nova en ocupar o cargo de director principal desta formación e recentemente gañador do Brit Award da música clásica ao mellor artista masculino do 2009.

Parsifal, considerada a última obra mestra de Wagner, soará por primeira vez en Galicia o vindeiro martes, 24 de agosto, no Auditorio de Galicia de Santiago de Compostela, nunha versión en concerto concibida exclusivamente para a programación de Xacobeo 2010. No papel de Parsifal estará o tenor austríaco Nikolai Schukoff, escollido polo Festival de Salzburgo para cantar esta obra no douscentos aniversario do nacemento de Wagner, en 2013, coa Filarmónica de Berlín. A soprano e mezzosoprano Violeta Urmana fará o papel de Kundry, a protagonista feminina. O reparto conta tamén con numerosos artistas de talla internacional, como Kurt Rydl, Jukka Rasilainen, Ain Anger ou Egils Silins, entre outros. Estarán acompañados nesta actuación polo Coro da Ópera Nacional de Brno e o Coro Cantabile, formación infantil e xuvenil da Coruña.

O grupo británico Placebo actuará da man de Xacobeo 2010 nas festas de San Froilán de Lugo

O concerto, de carácter gratuíto, terá lugar o venres 8 de outubro a partir das 22.30 horas na Praza Horta do Seminario

O grupo británico Placebo será o prato forte das festas de San Froilán a onde chegará da man de Xacobeo 2010 e do Concello de Lugo. O concerto do trío británico, que será gratuíto, terá lugar o venres 8 de outubro na Praza Horta do Seminario e a partir das 22.30 horas. Será aí onde poderá verse o espectáculo de Placebo que, sen dúbida, reunirá a milleiros de seareiros na capital lucense.

Na organización deste concerto interveñen a S.A. de Xestión do Plan Xacobeo e o Concello de Lugo. A primeira encárgase da contratación da formación británica e o segundo é responsable de toda a produción do espectáculo enmarcado nas festas de San Froilán de Lugo. O anuncio da contratación dun grupo internacional que actuaría en Lugo, fíxoo o director xerente da S.A. de Xestión do Plan Xacobeo, Ignacio Santos, na presentación, o pasado 30 de xullo, da programación de Xacobeo 2010 en toda a provincia. Agora este anuncio materialízase coa confirmación da presenza de Placebo en Lugo.

De feito, na provincia de Lugo, Xacobeo 2010 ten programados de agosto a decembro 63 actividades culturais en máis de 30 concellos. Asemade, entre os meses de xaneiro e xullo, celebráronse en Lugo un total de 93 eventos incluídos na programación de Xacobeo 2010.

Placebo

A banda británica Placebo, formada no ano 1994 en Londres, está composta actualmente por Brian Molko, Stefan Olsdal e Steve Forrest. O seu último disco, Battle for the Sun, lanzouse o pasado ano e está marcado por temas optimistas. En total, desde 1996 o trío británico sacou ao mercado seis álbumes cos que colleitou grandes éxitos en todo o mundo. Ao longo destes catorce anos de carreira, Placebo vendeu máis de oito millóns de discos.

O DJ Vitalic pechará o festival Xacobeo 10 no que tamén participarán os galegos Poti e Caradeniño

O artista francés Vitalic, un dos máis reclamados da escena internacional, pechará o festival no que intervirá desde as dúas e media ata as catro da madrugada co seu característico estilo, marcado polas influenzas do chamado electroclash e do hardtechno

 Dous DJ galegos, Poti e Caradeniño, forman parte tamén do cartel do festival Xacobeo 10 do 27 de agosto no Monte do Gozo

O DJ francés Vitalic, un dos máis reclamados da escena internacional, únese ao cartel do festival Xacobeo 10. Vitalic subirá ao escenario do Monte do Gozo trala actuación de Pet Shop Boys para animar o fin de festa desde as dúas e media ata as catro da madrugada. Pola súa banda, tamén formarán parte do festival Xacobeo 10 dous DJ galegos, Poti e Caradeniño. O primeiro deles será o encargado de animar o festival desde a apertura de portas ao público ás 18 horas e ata as 19.30 horas –ás 19.45 horas subirán ao escenario os galegos The Right Ons–, mentres que Caradeniño DJ actuará despois de Muse e antes de Pet Shop Boys, concretamente entre as 00.00 horas e a 01.00 horas.

Coa incorporación destes tres DJ, o cartel do festival Xacobeo 10 queda pechado coa participación de sete artistas e formacións musicais que actuarán no Monte do Gozo de Santiago de Compostela o venres 27 de agosto no que será sen dúbida unha das citas musicais máis importantes do verano e da programación de Xacobeo 2010. Alí estarán, xunto a estas últimas incorporacións, The Right Ons, Jónsi, Muse y Pet Shop Boys.

Vitalic

O francés Pascal Arbez, Vitalic, leva xa máis de catorce anos levando polo mundo o seu estilo único, que agora trae a Galicia, marcado polas influenzas do chamado electroclash e do hardtechno. DJ e produtor de música electrónica, iniciou a súa andaina no ano 1996 –ata o 2000 tamén utilizou o nome de DIMA–, e no 2001 chegou o seu traballo Poney EP, no que xa se manifestaba o seu característico estilo, con influenzas do chamado electroclash e do hardtechno. Un dos seus traballos máis recoñecidos é My friend Dario, que forma parte do seu primeiro traballo discográfico Ok Cowboy aparecido no ano 2005, e no que se albisca tamén a influencia do rock e certos aires poperos. Tamén son unha referencia dentro do mundo da música electrónica as súas participacións con outros referentes deste estilo de música como Miss Kittin e The Hacker, entro outros.

Caradeniño DJ

Entre os concertos de Muse (22.30-00.00 h) e Pet Shop Boys (01.00 a 02.30 h) subirá ao escenario o galego Caradeniño DJ (00.00 a 01.00 h) co seu estilo marcado por temas de indie e pop mesturados con dance punk, new rave, guitarras, voces, sintes e pandeiretas, e tamén con influencias dos 60 e 70 e sen deixar de lado un toque de hip-hop. O DJ galego defínese como un deseñador gráfico, adicto á rede e ao scratch, e que se formou no hip-hop e que, tras aprender as técnicas do Turntablism, evolucionou cara ao rock e á electrónica, nunha combinación que comprace e sorprende por igual a toda clase de audiencias. De feito, os amantes deste estilo de música xa puideron ver a Caradeniño DJ na edición de Sónar Galicia do pasado mes de xuño en A Coruña.

DJ Poti

A outra incorporación galega ao cartel do festival Xacobeo 10 é o DJ coruñés Poti. Será o encargado de poñer música desde o inicio do festival, concretamente desde a apertura de portas ás 18 horas ata as 19.30. Un cuarto de hora despois, subirán ao escenario os tamén galegos The Right Ons. Javier Campelo, Poti, é coñecido por traballar, desde o ano 1996, na emblemática sala coruñesa Playa Club e participou tamén na edición deste ano do Festival do Norte de Vilagarcía. Os seus inicios remóntanse ao ano 1983 en diversos locais da súa cidade natal, A Coruña. Nas súas sesións soan desde clásicos de R.E.M ou Pixies ata as súas versións sobre temas de Placebo, Automatic ou Empire of the Sun, sen faltar temas de Vampire Weekend o The Wave Pictures.

CARTEL E HORARIO FESTIVAL XACOBEO 10

18:00 Apertura de portas
18:00 – 19:30 DJ POTI
19:45 – 20:30 THE RIGHT ONS
21:00 – 22:00 JÓNSI
22:30 – 00:00 MUSE
00:00 – 01:00 CARADENIÑO DJ
01:00 – 02:30 PET SHOP BOYS
02:30 – 04:00 DJ VITALIC

PP - ESTEBAN GONZÁLEZ PONS | COPE

“No es necesario subir impuestos, sino un cambio de Gobierno”

El vicesecretario de Comunicación del Partido Popular, Esteban González Pons, ha asegurado que la subida de impuestos anunciada por el ministro de Fomento, José Blanco, “no es necesaria” En cambio, ha puesto de manifiesto que sí es necesario “un cambio de Gobierno y poner un presidente que escuche a todos: a los banqueros, a las grandes constructoras y también a los parados y a la gente que se ha quedado sin prestación”.

Durante una entrevista en la Cadena Cope, González Pons se ha preguntado por qué Blanco anunció que el recorte de infraestructuras se hacía "porque no había más remedio" y ahora dice que "subirán los impuestos para poder seguir haciendo algunas infraestructuras que se habían recortado".

Según el dirigente popular, "es sorprendente que el ministro de Fomento y vicesecretario general del PSOE anuncie la subida de impuestos que después aplica la vicepresidenta económica, como si estuviera por encima de ella. Es un signo del desconcierto y el desorden que este momento reina en el Gobierno, así como en la descomposición ministerial en la que Zapatero ha sumido a su gabinete"

Melilla

Tras anunciar su presencia mañana en Melilla para reunirse con el presidente de la ciudad autónoma, Juan José Imbroda, González Pons ha señalado que el Gobierno debería tomarse más en serio lo que está sucediendo en la ciudad autónoma, tener mucha más presencia y ser mucho más cercano a las Fuerzas y Cuerpos de Seguridad del Estado y a los ciudadanos melillenses.

En opinión de González Pons, el Gobierno debería haberse reunido ya con el Ejecutivo de Melilla antes de que mañana lo haga el PP. "Da la sensación de que el Gobierno está encerrado en sus problemas internos en Madrid y menos preocupado de lo debido por los problemas de España".

---

FORO CIUDADANO

                     ¡Entérate AQUÍ!

Sada está llena de grandes y verdaderos amigos, GENTE GUAPA , divertida y con muchas ganas de contagiar su alegría a quién los conozca, haremos un pequeño album de todas las gentes que queráis dar a conocer.

Podéis enviar las fotos y textos a Esta dirección de correo electrónico está protegida contra los robots de spam, necesita tener Javascript activado para poder verla

Saludos a tod@s

Sada Digital

Contacta con nosotros a través de los correos

Esta dirección de correo electrónico está protegida contra los robots de spam, necesita tener Javascript activado para poder verla  

Esta dirección de correo electrónico está protegida contra los robots de spam, necesita tener Javascript activado para poder verla